ready steady take off

i'm in hurry right now.
schnapp mir ez mis gepaeck und duese zum flughafe und denn heissts:

BYB BYE LOVELY AUSTRALIA!!!

han in kuala lumpur en 18stuendige stop und nochane nomol 12h flug bis zueri!(chume am 6.15 am fritigmorge a fuer alli wo mich per mail gfroged hend ... sorry ha kei ziit meh zum allne antworte)

ok, cu guys soon!!!!
aaaaaaaaaaaahhh, ihr glaubed gar noed was das fuer es gfuehl isch noch sonere ziit, d'sache endgueltig z'packe und australie de rugge zuezkehre... bin irgendwie ganz nervoes!;)

also, machets guet und bis gliiiiiii

big kisses
urs syu

my last week here

hey dudes at home!:)
sodeli mini abreis chunt immer noecher, doch han ich nomol vollgas geh und einiges gseh i de letschte paar taeg.
mit ere kollegin us brisbane bin ich d'sydney umezottlet und han mir d'fuess wund glaufe! im gegesatz zu bribane isch sydnez eifach riiiiiiiiiiiiesig!!
doch am samstig isch min druetaegige trip noch melbourne losgange. mir sind mit em bus zerscht mol noch camberra gfahre wo mir zerscht is parliament house hend choene. isch es cools gfuehl gsi all die ruem z'gseh wo suscht nume d'politiker sitzed, denn vor churzem sind jo do neuie praesidentewahle gsi und do han ich doch einiges mitbecho.
nochane simmer wiiter an lake jmbayne (oder so aehnlich) und hend imne super hostel uebernachtet. (ich hans jo so gnosse noed nume uf emne so duenne matraezli sondern imne richtige bett z'schlofe!;))
am morge frueh sind mir in en nationalpark ufbroche wo mir end druestuendige walk (up and down) gmacht hend. und ihr werdeds noed glaube, dass ich doch au scho schnee im 08 gseh han!!!! es isch naemli de hoechschti punkt vo australie gsi! i de mitti vo dae wanderig simmer amne gletschersee verbi cho wo wunderschoen gsi isch.
zrugg vom bus us hemer so einigi tier gseh: wildi emus, e giftigi schlange (sie isch zwar tot gsi und mir hend si natuerli ali gnau muese aluege) en blue-tongue lizard (dae heisst so wil er e blaui zunge het), wallabies (e kaenguruhart) und es paar wildi emus. pas mal, oder?
huet am dritte und letschte tag vo de tour uf em waeg uf sydney simmer in en andere nationalpark wos en strand gha het, wo ich eui gar noed beschriebe wett... ihr wuerded so iiversuechetig werde...*bigsmile* i'm so sorry, aber ich mues glich: stelled eui wiise pulversand vor, amne abglegne ort wos kei anderi luet het und s'wasser isch tuerkis-blau-gruen... eifach en traum!!*aaaaahhh*
noch dem wunderbare stop sind mir den direkt noch melbourne duesed wo ich ez bin. das isch min letschte stop bevors heizue goht. ich fluege am dunnstig i de nacht am 1 ab.
d'leona und d'fabienne sind underdesse au do und vilicht triff ich no oepert vo melbourne wo ich uf en saegleturn in airlie beach kenneglernt han... mal kucken ob ich no e privatfuehrig dur dstadt bechume...
also, vilicht hani nomol churz ziit zum nomol oepis vo mir z'ghoere loh und suscht waers das a dere stell gsi vo mim blog! isch jo ganz es ungwoehnlichs gfuehl, denn ich han mich so dra gwoehnd do so tagebuchartig chli z'brichte.
es ganz es grosses dankeschoen a alli wo so fliessig mini ziile glaese und ab und zue mol oepis gschiebe hend: ganz speziell a erschter stell wett ich d'schuedith,d'corinne und de david erwaehne! thanks a lot!!! isch immer cool gsi vo eui z'laese und ihr hend mir do uf de andere siite vo de welt es lache oder eifach en gluecksmoment ermoeglicht!

uuuuuuuuuuuuuund tschuess!
kisses
syu

news from down under

hey u guys at home

how r u? wie sinder is neui johr gstartet? scho di erschte guete vorsaetz ueber de huufe gruehrt??;)

ich werd mol wieder chli de reihe no verzelle dassers nohvollzieh choend vo was ich do so schriebe. im letschte bricht han ich jo scho mini erschte beide tauchgaeng im meer hinder mir gha und bin voll excited ab de noechschte beide gsi. ich han mir jo schwaer erhofft, dass ich echli meh gsehne wil d'sicht jo sehr schlecht gsi isch. ABER, zu allem unglueck isches am folgende tag no schlimmer gsi. ich han mini eiget hand vo auge noed gseh. isch ziemli beaengschtigend gsi so under wasser ohni oepis gseh. mir hend ues anenand feschtklammeret oder ues amne seil ghebed wo uesen instruktor gfuehrt het. suscht waered mir innert sekunde verlore gsi. voellig tapfer hend mir uesi uebige aber durezoge und sind ueber e stund under wasser gsi. mir hend au g'uebt wie mer im notfall handlet und mer d'luft mit em dive-buddy teile mues, oder wie mer en chrampf under wasser behebt. s'gfuehl isch eifach de hammer, wil es fuehlt sich so a wie waenn mer voellig schwaerelos durs wasser gleitet. ich chan mir vorstelle, dasses es sich im all oepe glich afuehlt.

wil min kurs aber jo en tag z'spot agfange het, han ich min bus nueme verwuetscht und ich han uf e anderi company muese umbueche zum an nomitag noch cairns z'fahre.

am obig am 10i bini doet aber voellig kaputt acho und han realisiert, dass am noechschte tag di letscht moeglichkeit isch zum nomol go tauche, wil ich jo am 2.jan plant han zum noch sydney z'fluege und mer 24 stund noch em tauche noed fluege doerf. drum han ich churzerhand no am gliche obig en tauchtrip buechet, will ich jo unbedingt nochli oepis vo dere underwasserwelt han welle gseh wenn ich doch scho de kurs gmacht han.

und tatsaechlich am noechschte morge am 7i bini los zur marina. mir hend 2 dives gha dusse im beruehmte great barriere reef. mir sind mit em boot 2h ussegfahre und hend ues denn parat gmacht.

noch em erschte tauchgang bin ich scho ganz ueberwaeltigt gsi vo dem was ich do alles gseh ha!!koralle in allne farbe, fisch ueberall und ich in mitte drin.

noch em zmittag isch de 2te agstande wo mir aber amne andere ort gmacht hend und dae isch no idruecklicher gsi. mir sind dur so underwassertunnel gschwumme.... wie imne tauchfilm.... eifach unbeschrieblich!!!

und ihr glaubeds noed, was daenn passiert isch: im kurs haend mir jo fuer de notfall guebt, falls eim mol d'luft usgoht, aber ich han mir daenkt, dass ich das jo sowieso noed bruche werd. doch als ich mol uf mini gauge gluegt han hani gseh, dassi nume no 35bar i mim tank han!!!! fuer alli wos noed wuessed (ich hans vor 1wuche au nonig gwuesst) das isch unglaublich wenig und unmoeglich zum uftauche!

guet ich bin sofort zu dem wos organisert het here und han doch glatt de erschtfall choene teschte! er het mir sin ersatz regulator geh und ich han luft us sim tank choene ha bis mir wieder a de oberflaechi gsi sind. wil mir aber i dene tunnels gsi sind unds doet teilwiis ziemli dunkel isch, isches gar noed so eifach gsi nebed enand herz'schwimme.

jo, das isch wuerkli ufregend gsi und ich bin vo dere schoenheit under wasser voellig impressed gsi! am liebschte waer ich nomol abtaucht... git so es richtigs suchtgfuehl!

leider hend mir aber am nomitag wieder muese zrug, will am obig isch jo neujohr gsi.

mir (eini vo brisbane, und e duetschi woni uf magnetic island kenneglernt ha) sind zaeme go aesse und nochane ad lagune wos am 9i (jo genau am 9i) s'erschte fuerwerk geh het. spoeter hets daenn no es 2tes geh und das isch am 12i gsi. isch scho es strubs gfuehl gsi, z'wuesse dasses bi eui no 9h goht bis ihr im 2008 sind. (de jake het mir am 9i (cairns ziit) agluete und happy new year gwuenscht, wil bi ihm z'neuseeland scho neujohr gsi isch.)

bald noch em 12i bini zrugg is backpacker go schlofe will ich voellig uf em hund gsi bin, noch dem idrueckliche tag.

huet morge bin ich vo cairns noch sydney gfloge, wo ich ez bin. ich han d'aurelia (eini vo brisbane) troffe und mir hend zaeme d'stadt erkundet. vor em opera house und de harbour bridge han ich natuerlich au scho posiert. isch scho es speziells gfuehl die beide beruehmte sights in real z'gseh!

ihr gsehnd bi mir lauft so einiges, doch i 8 taeg gohts heiwaerts zue!! *jubee* i freu mi so uf eui, uf es richtigs bett (noed eifach nume so schumstoffmaetteli), es eigets badzimmer womer sich mol so richtig installiere chan und noed immer us em koffer und em nessesair lebe mues. ah jo und noed z'vergaesse: brot! papi du weisch wie gaern ich eifach es normals confibrot han!!! mensch, wie vermiss ich das!!!;)

und ich sehne de moment herbi woni eui wieder id arme schluesse chan, bin schliesslich scho bald es viertel johr weg!

machets guet und bis gli

euri syu

happy new year

ez isches doch glich scho wieder es wiili her sit ich sletscht mol oepis gschriebe han... aber es git do soviel ztue, dass ich fascht noed dezue chume.
ich bin underdesse sit 6taeg uf magnetic island. das isch e insle vor townsville wo sehr bekannt fuers tauche isch.
zum chli zbeschriebe: mis backpacker isch out of nowwhere, es het zwenig empfang zum oepertem aluete (a gwuesse oertli chamer sms empfange) und de letscht bus isch am 7i! woni acho bi hani denkt, dassi do e ruhigi wuche ha werd und so isches au usecho...

aber zerscht mol de reihe no... fang ich doch am beschte bi wiehnachte ah...
ich han chli angscht gha wo ich do am 24te acho bin wil ich kein mensch do kennt ha und ich uf kein fall ha welle wiehnachte allei verbringe. uf de faehre han ich aber 2 chilene kenneglernt und mir sind zaeme go poschte und hend spoeter (noch suedamerkanischer ziit 23.00 uhr) gesse. es het feini pasta mit chicken und ere wuerklich guete sauce geh. verusse direkt am strand hemer gesse under palme!! isch jo so strub gsi, aber e erfahrig woni nuem vergesse wird!

muend eui vorstelle es isch so heiss, dassmer am liebschte drin i klimatisierte ruem bliebt und erscht am obig usechunt.
doch australie het immer e ueberraschig parat. am 26. 27. 28. hets do so gstuermt, graegnet und gwindet, dasses mir angscht und bang worde isch, wil min tauchkurs do het soelle afange... es het mir sogar min salot vom teller furtgwindet!!!;) *mensch, i ha mir doch so mueh geh zum chli choche und daenn das!*

i stroemedem rege hend mir noch ere theoriepruefig uesen erschte tauchgang im pool gha... es isch es absoluts hammergfuehl under wasser choene schnufe!
han richtig freud becho, obwohl ich fascht verfrore bin...
und huet sind mir s'erscht mol is meer go tauche.. im erschte moment hani ziehmli panik becho, doch noch churzem hani mi dra gwoehnt (isch natuerli schochli oepis anders als im pool) und hans richtig choene gnuesse. mir hend verschiedeni uebige under wasser gmacht wie de luftkanal us em mund zneh oder d'maske ab und azieh. leider hemer noed viel gseh wils i de letschte taeg so gstuermt het. nume oepe 1m wiit. ich hoffe morn gsehts chli besser us.

jo, dass waers oepe gsi vo de letschte paar taeg.. morn reis ich ab noch cairns fuer neujohr.
und ihr was hend ihr so fuer plaen zum is neue johr inefiire?;)

bald bini wieder dihei, i freu mi sehr wieder bekannti gsichter z'gseh!
i wuensch eui uf dem waeg en guete rutsch und bis gli
euri syu

i wish u a merry christmas!!!:)

ich han ghoert, dasses i de schwiiz ziemli froschtig her und zue goht...

wie gschriebe bin ich mit em bus ueber nacht noch airlie beach gfahre und wie befuerchtet han ich noed wahnsinng erholsam gschlofe.... mmmh oepe 2h in total... defuer isch glatt gsi, wil 2 anderi vo brisbane au uf em gliche waeg gsi sind, doch mit ere andere busorganisation. bi jedem stop mitte i de nacht out in nowwhere hemmers wieder troffe! das isch wuerkli glatt gsi!:)

wo mir aendlich do acho sind und us em bus gchraxled sind, hets ues fascht hinneuseghaue! e brutali hitz het ues entgegegschlage! (ca.36 grad und dezue anne unglaublich humid)

mir hend schnell ueses backpacker bezoge und ich bin min medical dive go mache wo mir erlaubt uf magnetic island d'tauchlizenz z'mache... alles isch i.o. und sie hend denn alles teschtet... lunge, ohre beweglichkeit, balance, auge,... und ich han doch glatt bestande und es soett mir nuet meh im weg stoh zum abztauche!;)

wil mir jo noed soviel gschlofe hend sind mir alli ziemli frueh is bett. mir sind underdesse 6friends from brisbane gsi und nume ein fremde het i uesem zimmer gschlofe...

mitte i de nacht verwach ich und han gmerkt, dass oepert naebed mich anelieht (im bett). zerscht hani gmeint d'fabienne oder d'leona het schlecht gschlofe oder suscht isch oepis los mit ehne, doch ziemli schnell hani usegfunde, dass es sich dodoebi noed um oepert bekannts handlet!!!!!!!!!

ich bin so perplex gsi, dass ich eifach gseit ha: " get out of my bed!!". doch de typ isch so zue gsi, dasser irgendwie grad gar nuet me gschnallt het... noed emol me sis bett het er gfunde und s'badzimmer het er annere wand gsuecht, bis ich ihm gseit han wo ers besser findet.

mensch, dass isch jo en schock gsi! (und zu allem uebel han ich en huet 3taeg spoeter tatsaechlich wieder troffe!)

aber ez zu miner hauptaktivitaet do in airlie beach:

ich han en 2tag, 2nacht trip uf emne segelschiff called "silent night" buechet.

am 2 waer treffpunktzyt gsi und ich han brav mit de andere am hafe gwartet obwohl die es anders boot gha hend... noch laengerem han ich gmerkt, dass mis boot irgendwie noed uftaucht und han mol vorsichtig ein gfroeget und dae het gmeint, dass ich am falsche hafe segi!!!! isch wiedermol typisch syu!!!;)

so schnell wie moegli bin ich zum andere ort grennt und han doch tatsaechlich mis schiff noh verwuetscht. de nebeeffekt wo das ganze nume gha het isch gsi, dass alli scho min name gwuesst hend will sie scho es ziitli gwartet hend! i felt so ashamed!*smile*

nichts destotrotz sind mir us em hafe use und losduesed.... ich han gstunt wie schnell mir gfetzt sind. mini gruppe isch zwar eher echli aelter aber luschtig zaemegsetzt gsi: hollaender, ire, englaender, ein aussie, es italienschs paeaerli (tuet mer doppel ae wuerkli so schriebe???) und ich. am spoetere nomitag hend mir s'erschtmol choene go schnorchle und es isch eifach nume beeidruckend gsi. d'koralle sind uu farbig und sehr underschiedlich in form gsi. ich bin us em stuune fascht nuem usecho... wie imne underwasserfilm...

i uesere crew sind 2 luet gsi: dae andy (skipper) und de sam (lonely cabin boy, wie er sich selber nennt). de sam isch fruehner choch gsi und drum hend mir waehrend uesem ganze trip unglaublich guet gaesse.

mis bett uf dem boot isch grad nebed de chuchi gsi und ein ire het unglaublich gschnarchlet... das choend ihr eui eifach noed vorstelle... alli sind wach ussert dae und fanged mitte i de nacht a schimpfe wie z.B: "shut up, larry" oder "jesus christ". dae schnarcher "larry" het aber vo dem allem nuet mitbecho au wenn ihn sin kumpel am bei zoge het und het friedlich wiiterchroesed.

waehrend de erschte nacht isches no eingermasse ertraeglich gsi aber i de 2te bin ich am morge am 3 mit mim liintuech ufs deck ufezuegled!!! doet obe isches unglaublich schoen gsi... de mond ueber em horizont, welle wo as boot schlaged und ab und zue wiedermol en fisch wo us em wasser gumped (vilicht au delphin).

apropos tier: am 2te tag hend mir en stop binere insle gmacht und sind an land gange. vo doet us hend mir rieseschlildchrote (oepe 1m durchmesser), babyhais und delphin gseh schwimme. it was just amazing.

bi dere insle gits de 4most photographed ort vo ganz australie... es isch white heaven beach. das isch en strand mit puderwiisem sand, tuerkisem wasser und eifach nume wunderbar... wenn ich heichum werd ich eui d'foeteli zeige und ihr werded euien trip doet here grad welle bueche! es isch unmoeglich in wort z'fasse aber ich han eui es bild us em netz kopiert und ich mues saege, dasses in wuerklikeit no schoener usgseht!! (i'm sorry;))

spoeter hend mir nomol gschnorchlet und es het s'andermol vom vortag no topped. ich bin mitte i fischschwaerm gschwumme und es isch eifach wie innere andere welt gsi! ich het stundelang choene im wasser ume schwadere und die underwasserwelt bestune!! unbeschrieblich!

das isch bis ez oepis vom schoenschte vo ich je mim lebe gseh han.

ez bliebt mir nume no eui schoeni wiehnachte zwuensche, obwohl do so gar nuet noch wiehnachte isch... ich reise morn wiiter und ich werd s'erschtmol allei sii fuer e wuche. mol luege wer ich i mim backpacker triffe zum wiehnacht z'verbringe... komischi vorstellig irgendwie, aber ich werds bestimmt nie meh vergesse

also, machets guet und loehnd mol oepis vo eui ghoere.

euri syu

di erschte taeg vo de reis

am samstig bin ich definitiv vo brisbane abgreist und es isch mir unglaublich schwaer gfalle allne luet tschuess zsaege. natuerlich sind mir alli zaeme am fritigobig no in usgang und hend de letscht obig no so richtig uschoschtet. dae jake (corean) het frueh muese heigoh het mich aber by the way gfroged vo wo dass ich am samstigmorge abreise und um welli ziit. ich han mir nuet wiiters debi denkt und mich au vo ihm verabschieded. wo ich denn aber am noechschte morge mis gepaeck ichecked han, het er mir agluetet und gfrogt wo ich segi... "in roma street station" han ich gantwortet. "er au" het er gmeint und ich bin voellig verwiirt gsi, wil ich gwuesst han, dass er noch melbourne abfluegt... noch langem han ich daenn aentlich gschnallt, dass er do verbi cho isch zum mir nomol tschuess zsaege... oh mensch, wie freud han ich wege dere ueberraschig gha!!!:)

underdesse bin ich in hervey bay. bis gescht han ich e druetaegigi tour uf fraser island gmacht. das isch di groeschti sandinsle vo de welt. kei erde, kei stei, nume sand und wald. doet druf hets en huufe unglaublich schoeni tuerkisi, grueni, schwarzi und wiisi suesswassersee. wer luscht het chan mol im netz under " fraser island" go sueche. aber aufgepasst, ich bin mir sicher dass ich total iversuechtig werded wil es isch eifach paradiesisch.
mit ere tour bin ich umegreist und han mir all di schoene plaetz agluegt. am letschte tag hets aber voll gregnet!!! stelled eui vor, ihr hend nume badhose 1 nasses t-shirt, 1 nassi hose und es nasses badtuech debi und ihr fruehred wie ein .....;) di einzig moeglichkeit zum chli choene ufzwaerme isch gsi ab in see inegumpe und so lang wie moeglich drin bliebe!! s'problem dass mer irgendwenn wieder usemue isch zu sebem ziipunkt sehr unwichtig gsi...
ich han aber e ganz e cooli gruppe gha... ich bin di einzig duetschsprochig schwiizerin gsi... di meischte sind aenglaender oder duetschi gsi...
huet obig fahr ich mit em bus wieter noch airlie beach vo wo ich daenn uf en segelturn gange... ich hoff eifach dass ich noed seechrank werde...;)
by the way... ich bin do noed allei will 2 schwiizerinne vo langports zuefaelligerwiis au do sind und ich gseh sie immer wieder uf minere tour... bin momentan grad chli froh, dass ich de afang noed ganz allei bewaeltige mues!:)
so, ich mues wiiters... ich han leider kei ziit zum foeteli waered minere reis ufezlade, aber ich werd immer wieder echli brichte.
liebi wiehnachtsgruesslis
silvia

hello

mini super ziit do in brisbane neigt sich definitiv em endi zue. am samstig reis ich ab richtig cairns. ich mues leider tschuess saege zu vielne coole, nette, friendly und crazy (for example jam) people, wil di meischte werd ich nueme gseh.

waehrend em reise wirds wohrschindlich noed moeglich si foeteli uf min blog zlade, doch echli oepis schriebe werd ich scho choene.

muend eui also chli gedulde, wenn ihr nuem so viel vo mir ghoere werded, aber bald bin ich jo scho wieder zrug i de chalte schwiiz.

ez aber no es paar events vo letschter ziit:

letscht wuche han ich es netts rendevous mit emne iheimische tierli gha:

aber ich wett eui di ganz story noed vorenthalte...

ich bin um di 11i ume vom bahnhof heiglaufe und es isch ziemli dunkel gsi... wills aber e sicheri gegend isch bin ich noed verunsicheret oder aengschlich gsi. binere chruezig het e lampe nuem so richtig funktioniert und nume no so gflackeret. isch jo noed witer schlimm hani denkt...

doch woni noecher cho bin het s'liecht ufgflammt (sorry mis tuetsch isch jo schrecklich!!!*grins*, find aber keis bessers wort) und ich ha oepis ca 1.5m vor mir uf em bode gseh liege. bin noed sicher gsi obs en veloreife oder e schlange isch. wil aber dlampe kaputt gsi isch, isches dunkel gsi und ich han nuet meh gseh. ich bin es paar schritt zrugg und han mini camera fueregnoh und das foeteli gmacht:

muend eui vorstelle, ich little silvia, znacht, mit churze hose und flipflops allei vor ere schlange!!!!! ich glaub ich mues noed beschriebe wie ich mich gfuehlt han...;)

schnell han ich en grosse boge drum gmacht und bin i de mitti vo de stross wiiter heiglaufe, eher grennt zum ehrlich si. miner meinig isches weniger gfoehrlich i de mitti vo de stross als uf em trottoir wo alli gaerte agrenzed und jederziit e schlange hervorzische chan.

mensch, bin ich froh gsi woni dihei gsi bi!!

zum ez aber di ganz gschicht no ufzloese, chan ich afuege, dass en aeltere herr wo ich jede morge am bus stop triffe gseit het dasses e harmlosi und toti schlange gsi isch. (er het si am morge noch mir au gseh).

themawechsel: es isch glaub ziit fuer mol wieder es chlises raetsel. dasmol isches aber nume no halb so schwierig wies letschte;)

wieso het de ricky e tuube i de hand?

also, wuer mi freue echli news us de schwiiz zghoere, take care

yours silvia